Мне давялося пабываць на некалькіх сустрэчах HrodnaMeduaRoom, і я магу без перабольшання сказаць, што гэта былі адныя з самых цікавых сустрэч за апошні час. Мне, як журналісту, вельмі карысна было сустрэцца з сапраўднымі глыбамі беларускай журналістыкі, якія па сутнасці дапамагалі, кожны па-свойму, знайсці адказ на пытанне, як прыстасоўвацца да сучасных умоў, у эру інтэрнэта, як не баяцца весці раследванні, як не баяцца весці дыялог з рознымі бакамі. Вельмі значным для мяне было апошняе пытанне, якое задавалася гасцям, што для Вас свабода. Госці прыводзілі прыклады са свайго жыцця і кожны дзяліўся, як ён разумеегэтае слова. І мне падалося, што калі абагуліць іх адказы, то выходзіць, што каб быць добрым журналістам, трэба быць свабодным унутры. Толькі пры такой умове, ёсць гэтая свабода слова, не зважаючы на ўсе палітычныя абставіны. Спадарыня Вольга са сваімі сябрамі, зрабіла каласальную працу, праект, які быў неабходны менавіта зараз, да такой умоўнай, але гадавіны вольнай журналістыкі ў Беларусі. Гэты прект, сустрэчы дапамаглі, кожнаму гарадзенскаму журналісту дый проста ўдзельнікам пераасэнсаваць гэтыя 20 апошніх гадоў, што з намі сталася, кім мы былі, чаму мы сталі тымі, хто ёсць і што будзе далей. Застаецца толькі спадзяванне, што далей будуць знаходзіцца людзі, якія будуць гаварыць праўду, выкарыстоўваючы ўсе на гэта даступныя зараз сродкі.